REFLEXIÓN sobre o MARCO CONCEPTUAL
da ORIENTACIÓN
Marco de referencia
Cando se nos comentou que tiñamos que facer unha reflexión sobre o Módulo I
cuxo título é MARCO CONCEPTUAL, xa pensar nestas dúas palabras teño que admitir
que me bloqueou un pouco.
Pero por outra banda, a palabra REFLEXIÓN tamén me dou algunha esperanza de
que ao mellor si empezaba a pensar nos cinco temas que conforman este módulo
podería chegar a algunha conclusión.
Pois alá vou! Cando cheguei a orientación laboral por primeira vez, teño
que admitir que traía debaixo do brazo unha titulación universitaria, cinco
anos de experiencia en Xuventude, dominio de ferramentas e técnicas de busca de
emprego, coñecementos do mercado laboral na comarca e unha boa relación co
tecido asociativo e cultural. Pouco máis!
Con estes coñecementos e moitas
ganas pola miña parte pensaba que xa tiña unha base firme para ir ,pouco a
pouco e coa práctica profesional, gañando terreo nesta profesión.
Pois ben, as miñas primeiras preguntas ao ir realizando as entrevistas
foron: ¿estarei actuando da mellor maneira das posibles para axudar ás persoas
na súa busca de emprego? ¿qué deberei mellorar? ¿Temos todos os orientadores
unha unificación de modelos, conceptos e criterios? ¿Melloraría a comprensión
do que facemos si houbese unha clarificación de metodoloxías e protocolos?
Tamén é verdade que coa experiencia e pasar dos anos, parece que nun
momento dado pasei ao extremo oposto. Chega un punto en que o orientador
raramente se para a pensar no que fai, en como o fai e menos aínda en como
debería facelo. Isto é o punto de inflexión onde creo que, debemos outra vez pararnos,
desligarnos do cotián e reflexionar sobre o desenvolvemento da orientación para
que esta reflexión nos leve á mellora da acción.
En orientación temos que coñecer onde estamos, o Sistema Nacional de Emprego, o marco actual da política de emprego en España, a política de emprego
en Europa. Pero sobre todo, creo que temos que coñecernos a nós mesmos. Deberiamos
ter unhas liñas definitorias e claras en relación a cal é o campo de
intervención, como definir esta disciplina. Ter un marco conceptual claro e
eficiente en relación ao que será o obxecto de intervención en orientación
laboral. E o máis importante, que este
marco sexa común e unificado, que todos traballemos cunha fundamentación común.
Que non significa que todos fagamos o mesmo e da mesma maneira.
Mercado laboral
No desenvolmento diario do traballo do orientador estamos de acordo que é fundamental
o coñecemento do mercado laboral. Sobre todo o mercado laboral na área na que
está ubicada o servizo. Para este coñecemento temos que facer uso de todas as
ferramentas e instrumentos postos ao noso alcance para este estudo.
Estes coñecementos non serven de moito senón pasamos á acción, isto é, a interacción
co tecido asociativo e empresarial da zona. Que coñezan o noso servizo, o que
facemos, que temos candidatos para as súas futuras ofertas de emprego. A
prospección laboral é fundamental: investigar, preguntar, observar, presentarse.
Aquí tamén boto en falta unhas directrices comúns a todo o persoal orientador
para realizar este tipo de accións.
Certificación e formación
profesional
Podemos afirmar que a certificación de competencias é actualmente un dos
temas centrais no discurso e reflexión, sobre a formación e o emprego.
Os cambios constantes na nosa sociedade e mercado de traballo, así como os
xiros cara a construción do Espazo Europeo para a formación e o traballo,
lévannos a falar de mobilidade laboral e formativa. Esta realidade fai
necesario que se articulen procesos transparentes, coherentes e viables, de
avaliación e certificación de competencias profesionais.
Nisto estamos todos de acordo pero a miña reflexión fágoa sobre o
complicado que pode representar a busca dun sistema de certificación que nos
sirva de base a todos os estados membros da Unión.
Non debe ser doado construír un modelo de certificación suficientemente
flexible para facer fronte aos constantes cambios que se están a producir no
noso contexto socio económico. Tampouco parece doado, certificar as
competencias a través dun sistema único cando a adquisición desas competencias
en cada un deses países é diferente.
Política social e de emprego na UE
Os mozos e mozas de europa son un dos colectivos que se ven especialmente
afectados pola recesión en termos das súas perspectivas de emprego. Os estados
membros da UE participan activamente no deseño e implementación das medidas de
política encamiñadas a mellora da empregabilidade e a participación no emprego
da mocidade.
Unha educación e formación de alta calidade, a boa integración no
mercado laboral e unha maior mobilidade dos mozos e mozas son os elementos
clave para impulsar o potencial de toda a mocidade e acadar os obxectivos de
Europa 2020.
Faise fincapé en todas estas políticas e liñas de acción no colectivo de menores
de 30, porque estamos de acordo que é moi importante incrementar as
posibilidades para que poidan acceder ao seu primeiro emprego. Pero non hai que
olvidar que hai uns colectivos de desempregados, con moitas necesidades e
inquedanzas e que non deberían ser excluídos continuamente de determinados
programas por cuestión de idade.
Iniciativa emprendedora
Si algo me quedou claro no relatorio de D. Fernando Agulló é que debemos
cambiar o noso sistema produtivo. Que as empresas e traballadores teñen que
adaptarse aos tempos, adquirir coñecementos ao longo da vida e maior
cualificación.
Que temos que ser máis innovadores, e ofrecer un produto
orixinal e de calidade, e esta mesma calidade demandala nos profesionais. O que
non me quedou tan claro é como facer este cambio.
Si temos en conta a situación actual de crise, onde a xente se atopa en
situacións económicas e persoais extremas, onde emprender significa arriscar…isto
dame que pensar! Porque na sociedade actual que temos, tomar este tipo de
decisións non é fácil ou factible para moitas persoas.
Por último, en canto as función do orientador como asesor en materia de
autoemprego quédame unha dúbida, que a vou a expoñer en forma de pregunta: ¿como
lle pode sentar ao meu compañeiro, axente de emprego e desenvolvemento local no
meu concello, que me meta na súa parcela
e empece a asumir as súas funcións? Ou ben, ¿como me sentaría a mín (orientadora
laboral) que, o meu compañeiro AEDL, empece a facer itinerarios personalizados de
inserción? De acordo! temos que ter uns coñecementos o máis amplos posibles no
ámbito laboral , pero tamén temos que ser respectuosos e ter coidado de non nos meter no terreo dos demáis!!
No hay comentarios:
Publicar un comentario